![lirikku.id](/inc/logo.png)
Lirik Lagu Muslim مـسـلـم – Mor Ssour مور السور
By: Admin | Artist: M muslim %d9%85%d9%80%d8%b3%d9%80%d9%84%d9%80%d9%85 | Published: 2024-05-07T15:00:13:00+07:00
![Lirik Lagu Muslim مـسـلـم – Mor Ssour مور السور](https://i0.wp.com/file.laponta.id/img/uploads/lirik-lagu-muslim مـسـلـم-mor-ssour--مور-السور.png)
مور السور ، يا يا
[المقطع الاول]
المغرب غابة دايرة بسور
و مور السور كاينة بحور تطفى فيها النور
تحفروا فيها قبور
و قبل السور كاينة قصور
فيها زهور ، فيها عطور ، فيها الحور تكب فكيسان لخمور
و مور السور كاين مقهور
واقف متلوف يشوف ، يكمل ولا يرجع اللور
الزمان دار و ما بغى يدور
و بقى المسكين فالظلام يدور على قبرو المحفور
تأمل معايا فالديكور
علاش ناس واكلة اللب و ناس تهبش فالقشور
الحلم حي و مطمور
و بقى كابوس الواقع و الدرويش معذب مزبور
من القفا منحور
فالسكات غريب يبكي و يتألم و ساكن غير فالجحور
الحلم ديالو طار حر
هو بقى جناحو مكسور يتأمل فحلمو واش يفوت السور
[اللازمة] (x2)
المغرب غابة دايرة بالسور
مور السور
فيها جحور فيها قصور
مور السور
فبلادي الفقر مشهور
مور السور
المدبر دابر المدبور
مور السور
[المقطع الثاني]
فبلادي الفقر مشهور
فكل مكان تسمع بيه و تشوف كيف يرعى فينا مسعور
الكل مفقور
شي كلا كل شي و شي باغي ياكل شي و شي تنكل مغدور
حياة حقار و محقور
عايشينها حنا مع بعضنا ولاد الشعب المنجور
جار و مجرور
الكل فقاع المستنقع يزطم على خاه باش يورت النغور
و الدم مهدور
غير الخبث غير الكره غير البغض غير الشر منشور
و القلب معسور
فيه جراح ما بغات تبرى يمكن الزمان دكتور
والحق منتور
من يدك بالقوة و العنف حيت الظلم دكتاتور
و إذا باغي تثور
عمل في بالك بلي محال تقد على الي مور السور
[اللازمة] (x2)
[المقطع الثالث]
المدبر دابر المدبور
فحال المفعول فيه مفعول به و الفاعل ديما ما مجبور
و شكون لي ما مجبور
من القاضي حتى السارق ، كاينة الرشوة دستور
و اللعب مستور
كلشي كيتباع ، إذا عندك لفلوس كلشي فالحجور
و البوفري مقعور
باغي يطير بين النسور
مسكين هو غير عصفور
و المغرب معذور
كبروا فيه لكروش و بقى مفروش عوالين يردوه بور
قلاع من جذور
لي باغين يردواهاذ لبلاد اللور
و ازرع و ميز بين هذ لبذور
ما دام كاين ديور
يعني الأرض باقة صالحة ، باقي خيرها ميسور
و راكم بين هاذ السطور
و أنا فالهامش… و بين الهامش و سطوري ما كاينشي السور
[اللازمة] (x2)
[الخرجة]
أنا عارف بلي كاين مغاربة بزاف ما شايفينش السور
هذا علاش ما يفهموش بزاف فالهدور
المهم هوما فالهامش و أنا معاهم
مور السور ، قبل السور ، كاملين مغاربة
و المغرب حتى هو مور السور
!! هاها
Saksikan Video Lirik Lagu Muslim مـسـلـم – Mor Ssour مور السور Berikut ini..
Lirik lagu lainnya:
- lirik lagu khalil tanaman – everybody the same
- lirik lagu soulja boy tell ’em – lil dre (freestyle)
- lirik lagu soprano – parles moi
- lirik lagu emilio rojas – the only one
- lirik lagu happysad – są momenty takie
- lirik lagu zezé di camargo & luciano – louco de amor
- lirik lagu vaults – orphan
- lirik lagu elinel – legend
- lirik lagu jimpster – state of mind
- lirik lagu fishbach – éternité